LATAS LAWOD KAUBAN ANG PANGANDOY
Kung ako mang ge tabok ang lawod
karon kay tungod sa atong mga pangandoy.
Ug hinaot na ubanan unta ako ni Bro.
Sa taas na paglantaw sa lawod wala ako'y
laing nakita kundi ang imong panagway.
Sa kangitngit sa kagabion pero ge landagan
sa mga bituon na sa ako nag pa hiyom.
Walay laing hayag gawas sa nag bukal-bukal
nga dagat ilawom salog sa barko.
Ug ka saba sa mga nag bakho na mga bata.
Gusto usab ako mo bakho.
Pero apan ako pa kining napugngan.
Layo pa ang kabuntagun.
Pero ako na lang paabuton.
Basin sa ingon mawala ang kamingaw ug
kaguol na nahibiling pag bati diha kanimo.
Ug sa ingon ako usab
ning hutdon kining latang ilimnon
na mao ray kauban nako karon.
